Adina
5 eta 12 urte bitarteko umeei zuzenduta. Hau da, 2006 eta 2012 urteen bitartean jaiotakoak.
Datak
- astea => apirilaren 3-tik 6-ra bitartean
Parte-hartzaile kopurua
Parte-hartzaile kopurua mugatua izango da.
Taldeak
Futbol-taldeak ume-kopuruaren arabera osatuko dira. Oro har 10-12 umek osatutako taldeak izango dira. Talde bakoitzak monitore-entrenatzaile bat edukiko du.
Bestalde, atezain talde bat osatuko da. Honek ere bere monitore-entrenatzaile espezializatua edukiko du. Atezainek entrenamendu espezifikoa jasoko dute, lehenengo saio erdian gutxi gorabehera. Saioaren bigarren zatian, aldiz, bakoitza adinaren arabera dagokion taldearekin entrenatuko da.
Eguneroko dinamika
Eguneroko dinamika jarraian agertzen den koadroan ikus daiteke:
| Ordua | Jarduera (1. eta 2. taldea) | Jarduera (1. eta 2. taldea) |
| 8:30-9:00 | Ateak ireki eta arropa aldaketa | Ateak ireki eta arropa aldaketa |
| 9:00-10:15 | Teknika eta koordinazioa | Kultura jarduera |
| 10:15-11:00 | Taktika eta jokoaren garapena | Kirol jarduera |
| 11:15-11:45 | Dutxa eta hamaiketakoa | Dutxa eta hamaiketakoa |
| 11:45-13:00 | Kultura jarduera | Teknika eta koordinazioa |
| 13:00-14:00 | Kirol jarduera | Taktika eta jokoaren garapena |
| 14:00/30 | Irteera | Irteera |
Edukiak zehatzago ikusteko “programazio “ atalean begiratu.
Umeak utzi eta hartu
Campusa goizeko 8:30ean irekiko da, Angeles Custodios ikastetxeren kirol instalazioetan
Umeak 14:00 eta 14:30 bitartean hartu beharko dira leku berean.
Campus Koordinatzailea
Campus koordinatzaile bat egongo da parte-hartzaileen nahiz haien familien arretarako. Bere zereginak hauek dira:
- Umeen harrera
- Familiekiko harremanak
- Kirol instalazioetan zein kultura instalazioetan gerta daitezkeen arazoak konpondu (lesioak, umeen ondoeza …)
- Saioen garapena gainbegiratu
Kirol materiala
Campusaren hasieran kirol materiala emango zaie umeei. Kirol-jertse bat, elastiko bat eta praka bat izango dira. Botak, zango-babesak eta beste, aldiz, umeek ekarri beharko dituzte.
Kirol oinetakoak egokiak izan behar dira, playerak edo futbol multitakodun botak. Guztiz debekatuta dago aluminiozko takodun botak ekartzea.
Arropa osagarria hartzeko aukera egongo da prezio honetan:
- Pack osoa (kirol-jertsea, elastikoa, praka= 20€
- Elastikoa 6 €
- Praka 5€
Asegurua
Matrikulatuta dauden ume guztientzat Campusak Ardura Zibil asegurua edukiko du, eta bertan zera sartuko da: kirol-ekintza, jarduera ludikoak, joan-etorriak eta ekintza osagarriak.
